Neuchatel, me 9 nëntor 2015
Në Neuchatel të Zvicrës u mbajt manifestim kulturoro-sportiv, ku u ndanë u ndanë çmime dhe u vlerësuan arritjet e sportistëve e klubit të Kick-Boxit Neuchatel të cilën e udhëheq Belul Bajrami dhe anëtarët e Ansamblit Kulturoro Artistik “Mërgimi”, të cilën e udhëheq koreografi Burim Hasani.
“Tani e disa vite në kuadër të shkollës së Kick-Boxit dhe karate-kontaktit për fëmijë është bërë një kulturë ku bëjmë një projekt angazhimi me fëmijët të cilët për 6 muaj marrin rolin e trajnerit dhe në fund të stërvitjes bëhet vlerësimi nga të pranishmit mbi kriteret që kemi vendosur si vijon: Pedagogjia e punës, koordinimi i lëvizjeve /trupit të atletit/, teknika, lidhshmëria e gjesteve apo katat në veprim, përgatitja fizike si dhe disiplina gjatë stërvitjeve. Nga kjo në fund trajneri kryesor dhe ndihmësi im bëjnë notimin dhe japim rezultatin për tre më të mirët e gjithë pjesëmarrësit dekorohem me medalje. Anëtarët e Mërgimit po ashtu janë të kyçur në projekt dhe atyre u jepet çmimi për angazhimin vjetor në manifestime kudo si në kanton dhe jashtë tij. Në fund organizojmë tryezë të rrumbullakët me prind, fëmijë dhe autoritetet politike dhe shoqatat karitative si përfaqësues të zyrës për integrime. Temë debati ishte: Kanalizimi i dhunës në kuadër të angazhimeve sportive dhe artistike të të rinjve e po ashtu edhe të rriturve si dhe integrimin në shoqërinë pjesë e së cilës jemi edhe ne. Po ashtu kësaj here kishim edhe një ekspozim mbi lojërat me video/ playsteishen/, që elaboroi profesori i universitetit të Neuchatelit. Ndjeshmëria si dhe lidhja e tepruar deri në patologji e të rinjve apo edhe kronike me lojërat kompjuterike, ana sociale dhe ruajtja e familjes. Kjo është formë e manifestimit ku gërshetohen sporti, arti, integrimi, politika dhe socialja janë prioritet i komunitetit shqiptar i Neuchâtelit”, tha për RTV Syri Blue, Belul Bajrami kryetar i klubit Kick-Boxit në Neuchatel.
Ansambli Kulturoro Artistik “Mërgimi”, aktivitetin dhe përgatitjet i realizon në sallën e Kick-Boxit në Neuchatel, tash e 13-të vite.
K.S SYRI BLUE
